لاہور: پنجاب بھر میں کبوتربازی کے خلاف سخت کریک ڈاؤن کا آغاز کر دیا گیا ہے۔ پولیس کی جانب سے شہریوں کو ہدایت کی گئی ہے کہ اگر وہ اپنے علاقے میں کبوتربازی کی سرگرمیوں کے بارے میں جانتے ہیں تو فوری طور پر ہیلپ لائن 15 پر اطلاع دیں۔
حکام کے مطابق، کبوتربازی کے باعث شہریوں کو مختلف مسائل کا سامنا کرنا پڑتا ہے، جن میں چھتوں پر غیرقانونی اجتماع، چوری، اور دیگر سماجی برائیاں شامل ہیں۔ اسی لیے حکومت نے اس کے خلاف کارروائی کرنے کا فیصلہ کیا ہے۔
پولیس کا کہنا ہے کہ اطلاع دینے والے افراد کا نام صیغہ راز میں رکھا جائے گا تاکہ وہ کسی بھی ممکنہ خطرے سے محفوظ رہیں۔
مزید برآں، قانون نافذ کرنے والے ادارے کبوتربازوں کے خلاف سخت کارروائی کریں گے اور ان کے خلاف قانونی چارہ جوئی کی جائے گی۔ شہریوں سے گزارش کی گئی ہے کہ وہ اس مہم میں تعاون کریں اور کسی بھی مشکوک سرگرمی کی اطلاع فوری طور پر متعلقہ حکام کو دیں۔
